পুৱাৰ সূৰুয হৈ সজাম
মোৰ চেনেহী আই অসমীক
জোনৰ জোনাক হৈ সজাম
মোৰ শ্যামলী আই অসমীক
শান্তিৰ পখী হৈ অসমীৰ আকাশত
সাম্যৰে গীত ৰচিম ।
পুৱাৰ সূৰুয হৈ সজাম ...
নাযাচা জানো আই
আশিস তোমাৰ
বেজাৰৰ ডাৱৰ মচোঁ ...
তোমাৰ আশিস লৈ হেঁপাহেৰে আজি
শান্তিৰ পীঠ ৰচোঁ ।
মুষলধাৰে বৰষি
মোৰ আইক শীতল কৰিম
কলুষ আন্ধাৰ আঁতৰাই
চৌদিশ পোহৰাই তুলিম
শান্তিৰ পখী হৈ অসমীৰ আকাশত
সাম্যৰে গীত ৰচিম ।
আই অসমী মোৰ
আজি কৰিলোঁ পণ
আজিও সিচোঁ তোমাৰ বুকুত
অতীতৰ সোণালী ৰঙৰ ৰহণ
তোমাৰ আশিস লৈ হেঁপাহেৰে আজি
শান্তিৰ পীঠ ৰচোঁ ।।
Hits: 1405